Jeni të ftuar të kontribuoni në zhvillimin dhe forcimin e partisë sonë. Pavarësisht nëse dëshironi të kandidoni për një pozitë politike, të mbështesni nismat tona me një dhurim, apo të bëheni pjesë e komunitetit tonë si anëtar, çdo veprim i juaj është një hap për një të ardhme më të mirë për të gjithë. Zgjidhni zgjedjen që ju përshtatet dhe bëhuni pjesë e ndryshimit
Mirësevini tek Aleanca Kombëtare Shqiptare!
Jemi një forcë e re politike që beson në fuqizimin e qytetarëve dhe ndërtimin e një Shqipërie më të drejtë, të zhvilluar dhe të bashkuar. Angazhohemi për reforma të thella, transparencë dhe mundësi për të gjithë. Bashkohuni me ne për të krijuar të ardhmen që meritojmë!
ELENA KOCAQI - KRYETARE & THEMELUESE
Aleanca Kombëtare Shqiptare
Aleanca Kombëtare Shqiptare është një lëvizje politike që synon të mbrojë interesat e shqiptarëve brenda dhe jashtë vendit. Ajo synon të forcojë dhe mbrojë rendin demokratik, meritokracinë, të Drejtat e Njeriut, mirëqënien, si dhe vazhdimësinë kombëtare.
Vizioni dhe Misioni i Partisë
Angazhimi për ndryshim:
Partia jonë është e angazhuar për të ndërtuar një të ardhme më të mirë për qytetarët tanë, duke u fokusuar në përmbushjen e nevojave të shoqërisë dhe krijimin e mundësive të reja për zhvillim të qëndrueshëm. Politikat tona janë të bazuara në parime të drejtësisë, transparencës dhe përfshirjes, duke synuar krijimin e një shoqërie të barabartë dhe të zhvilluar.
Do të punojmë për të krijuar një ekonomi më të fortë dhe më konkurruese, ku bizneset e vogla dhe të mesme të kenë mundësi të zhvillohen dhe të krijojnë vende pune. Përdorimi i teknologjisë dhe i shpikjes do të jetë një prioritet në rritjen e prodhimit dhe shumellojshmerine e sektorëve ekonomikë.
Arsimi është çelësi për një shoqëri të zhvilluar dhe të drejtë. Do të investojmë në përmirësimin e kushteve të arsimit, do të sigurojmë mundësi të barabarta për të rinjtë dhe do të krijojmë mundësi për trajnime profesionale që do t’i përgatisin ata për tregun e punës.
Partia jonë do të angazhohet për një sistem shëndetësor të fuqishëm dhe të hapur, ku çdo qytetar, pa marrë parasysh kushteve ekonomike, do të ketë mundësinë të marrë kujdesin që i nevojitet për të ruajtur shëndetin e tij.
Besojmë fuqishëm në fuqizimin e qytetarëve dhe promovimin e transparencës në çdo nivel të qeverisjes. Do të luftojmë kundër korrupsionit dhe do të inkurajojmë qytetarët të jenë pjesë aktive e procesit politik dhe të marrin pjesë në vendimmarrje.
“Një parti e re, një mundësi e re për Shqipërinë. Politika jonë është për popullin, për t’i dhënë çdo qytetari mundësinë të bëjë ndryshimin. Bashkë, do të krijojmë një të ardhme më të mirë, ku çdo zë ka rëndësi dhe çdo ëndërr mund të bëhet realitet.”